LA VOIE NOMADE зергерлік бұйымдарының әрқайсысы «ҰлтССО» АҚ-ның «Сынама палатасында» толық мемлекеттік инспекциядан өтеді, оған өнімнің өзінің де, оның құрамдас бөліктерінің де (тастар, металл) түпнұсқалығын тексеру, өлшеу, таңбалау, сараптамалық қорытынды беру кіреді. Сіз өзіңіздің зергерлік бұйымдарыңыздың түпнұсқалығын әрдайым 050000, Алматы қаласы, Назарбаев даңғылы, 161 мекенжайы бойынша «Сынама палатасына» тексерте аласыз.
Сатушы тауарға өмірлік кепілдік береді, яғни Тұтынушы тауарды пайдаланған бүкіл мерзіміне. Тұтынушы сатып алған сәттен бастап күнтізбелік 14 күн ішінде тиісті сападағы сатып алынған тауарды Сатушыда бар басқа көлемдегі, формадағы, өлшемдегі, стильдегі, түстердегі, жинақтаудағы ұқсас тауарға айырбастауға, баға айырмашылығы болған жағдайда Сатушымен қажетті қайта есептеуді жүргізуге құқылы.

Тиісті сападағы тауарды айырбастау/қайтару, егер тауар пайдаланылмаған, оның тауар түрі сақталған, оның ішінде қаптамасы, пломбалар, жапсырмалар (тегтер) тауардан бөлінбеген (кесілмеген), тұтынушылық қасиеттері сақталған, сондай-ақ тауарды сатып алу фактісін растайтын құжат (бақылау немесе тауарлық чек) сақталған жағдайда мүмкін болады.

«Тұтынушылардың құқықтарын қорғау туралы» Қазақстан Республикасының 04.05.2010 жылғы № 274-IV Заңының 30-бабына сәйкес одан бөлінген пломбасы, жапсырмасы (белгісі) бар тиісті сападағы тауар айырбастауға (қайтаруға) жатпайды.

Тиісті сападағы тауарды айырбастауды/қайтаруды Сатушы Тұтынушыдан тауарды және қажетті құжаттар топтамасын алған сәттен бастап күнтізбелік 30 күннен кешіктірмей жүзеге асырады. Тұтынушы тауардың кемшіліктерін анықтаған және оны ауыстыру туралы талап қойған, сондай-ақ тауардың өндірістік ақауын сараптамалық растаған жағдайда, Сатушы оны тиісті талап қойылған сәттен бастап күнтізбелік 30 күн ішінде ауыстыруға міндетті.

Тиісті/тиісінше емес сападағы тауарды айырбастауды (қайтаруды) жүзеге асырар алдында Сатушы бұйымға сараптама жүргізу құқығын өзіне қалдырады. Айырбастауға (қайтаруға) жататын тауарға тәуелсіз сараптама тек «ҰлтССО» АҚ-ның «Сынама палатасы» филиалдарында жүзеге асырылады. Тиісті сападағы тауарды сараптау бойынша шығындарды Тұтынушы көтереді. Сатушы қайтарылуға жататын тауардың құнынан жүргізілген сараптама үшін соманы ұстап қалуға құқылы. Тауардың кемдігі/ақауы расталған жағдайда тауарды сараптау жөніндегі шығындарды Сатушы, болмаса – Тұтынушы төлейді.

Тұтынушы пайдалану және сақтау шарттарын ұстанған кезде біз өнімдердің ұзақ мерзімді жұмысына кепілдік береміз.
Біздің интернет-дүкенде сатып алынатын «LA VOIE NOMADE» бұйымдары үшін төлем жасай отырып, сіз зергерлік бұйымдарды кепілдендіру, сақтау, пайдалану шарттарымен және Сайттағы жария офертада көрсетілген оларға күтім жасау жөніндегі ұсынымдармен келісесіз.

Кепілдік зергерлік бұйымды пайдалануы мен сақтауының тиісті жағдайларын қамтамасыз етпеу нәтижесінде зергерлік бұйымның зақымдану жағдайларына қолданылмайды, сондай-ақ, ол алтын жалатылған күмістен жасалған бұйымдар үшін гальваникалық жабынның мерзімінен бұрын тозуына қолданылмайды.